更新 2022年3月9日
中移動所推出的優惠和著數已較一兩年前減少了，現在相對多了一些推銷自家產品的性質，故此筆者把這個項目由推薦轉為觀望。
更新 2020年3月
今次同大家介紹既依個 MyLink 雖然係中移動客戶既程式，但原來佢裡面有一Ｄ慳錢賺錢途徑，所以都值得介紹比大家。如果你未係中移動既客戶，我唔特別建議大家為左這優惠而轉台，但如果大家已經係中移動既客戶，咁就一定唔可以錯過這個 App 提供既著數啦！
著數１：儲分換禮券
這是我用 MyLink App 會主力推介的部份：佢既會員績分制度。每1分價值港幣 $0.01，最實際係可以換領超市現金券同埋電子繳費券。我就試過換 $50 惠康券，佢地會用順豐寄比我。我又差不多每個月都換到電子繳費券，差不多每個月同我慳返$10 電話費。
這個 MyLink 點樣儲分呢？最基本係每天登入後點擊「按此打咭」可以有 10 分 (相當於港幣 $0.1)，然後最主力係參加佢地定期舉辦既活動，平均可賺 200-2000 分 (相當於港幣 $2-$20)，有時亦會在活動中直接送出禮券。佢地通常會起大時大節例如中秋、聖誕、新年咁推出活動，大家要按時留意啦！
著數２：首次用 MyLink 繳費有著數
佢地既首次繳費著數一期期唔同，好似最近佢地就送 5000-10000 績分 (相當於港幣 $50-$100) ，亦有試過推荐朋友繳費兩個人都有獎賞咁，雖然係一次性優惠，但對於會用 MyLink 既中移動用戶黎講都係舉手之勞黎既！
關於安裝中移動 MyLink App 及其他相關詳情，緊係睇返官方網站啦，請點擊瀏覽。